Yevlaxda ölümlə nəticələnən yol qəzası olub.
APA xəbər verir ki, hadisə rayonun Malbinəsi kəndində qeydə alınıb.
1988-ci il təvəllüdlü Pərvin Məhərrəmovun idarə etdiyi "VAZ 2106" markalı avtomobillə 1980-ci il təvəllüdlü Samir Səfərovun idarə etdiyi "Nissan Maxima" markalı avtomobil toqquşub.
Nəticədə "VAZ 2106" markalı avtomobildə olan sərnişin, 1966-cı il təvəllüdlü Həqiqət Məhərrəmova hadisə yerində ölüb. Daha 3 nəfər ağır xəsarətlərlə xəstəxanaya yerləşdirilib.
Faktla bağlı cinayət işi başlanılıb.