Yevlaxın həbsdəki sabiq icra başçısı ikinci dəfə ürək əməliyyatı olunub

Qoca Səmədov

© APA | Qoca Səmədov

# 30 dekabr 2021 13:08 (UTC +04:00)

Yevlaxın həbsdə olan sabiq icra başçısı Qoca Səmədov yenidən xəstəxanaya yerləşdirilib.

APA-nın əldə etdiyi məlumata görə, bir müddət əvvəl Şəki Ağır Cinayətlər Məhkəməsinin hökmü ilə 7 il 3 ay azadlıqdan məhrum olunan sabiq icra başçının vəziyyəti pisləşdiyi üçün ilk olaraq Şəkidəki Penitensiar Xidmətin müalicə müəssisəsinə köçürülüb. Daha sonra o, Bakıya gətirilərək Mərkəzi Klinikaya yerləşdirilib və növbəti dəfə ürəyindən əməliyyat olunub.

Hazırda sabiq icra başçısının müalicəsi davam etdirilir. Qoca Səmədovun vəkili Elnur Vəliyev faktı APA-ya təsdiq edib.

Qeyd edək ki, Qoca Səmədov bir müddət əvvəl də ürəyindən əməliyyat olunmuşdu.

Xatırladaq ki, Q. Səmədov DTX-nin 2019-cu ilin noyabr ayında keçirdiyi əməliyyat zamanı saxlanılıb.

O, vəzifə səlahiyyətlərindən sui-istifadə etmə, külli miqdarda rüşvət alma, mənimsəmə və digər faktlara görə təqsirli bilinib.

Q. Səmədov bu ilin sentyabrında Şəki Ağır Cinayətlər Məhkəməsinin hökmü ilə 7 il 3 ay azadlıqdan məhrum edilib.

#
#

ƏMƏLİYYAT İCRA OLUNUR