Ekologiya və Təbii Sərvətlər Nazirliyinin Milli Hidrometeorologiya Xidmətinin martın 28-nə olan məlumatına əsasən bəzi yerlərdə yağış, dağlıq ərazilərdə qar yağıb, şimal-qərb küləyi bəzi bölgələrdə arabir güclənib.
Xidmətdən APA-ya verilən xəbərə görə, düşən yağıntının miqdarı Sədərəkdə 12.0 mm, Şərurda 9.0 mm, Gədəbəydə 8.0 mm, Şahbuzda 6.0 mm, Naxçıvan, Culfa, Qrız, Ordubadda 5.0 mm, Şahdağ, Daşkəsəndə 4.0 mm, Qusar, Şəki, Tovuzda 3.0 mm, Qax, Göygöl, Ağstafada 2.0 mm, Naftalan, Gəncə, Şəmkir, Ceyrançöl, Balakən, Oğuz, Qəbələ, Altıağac, Şamaxı, Zaqatala, Qobustan, Quba, Xaltan, Sabirabad, Neftçala, Astarada 1.0 mm, Bakıda və Abşeron yarımadasında 0.0 mm-dək olub.
Qar örtüyünün hündürlüyü Şahdağda 2 sm, Qrızda 1 sm təşkil edib.
Şimal-qərb küləyi Naftalanda 28 m, Tərtərdə 20 m/s, Bərdədə 19 m/s, Gəncədə 18 m/s, Şabranda 17 m/s, Şəmkirdə 16 m/s, Bakıda və Abşeron yarımadasında arabir 17 m/s-dək güclənib, Neft Daşları stansiyasının məlumatına əsasən dalğanın hündürlüyü 2.1 metrə çatıb.
Duman Sumqayıt, Daşkəsən, Göygöl, Şahdağ, Qrız, Şəki, Qax, Lerikdə müşahidə olunub.
Martın 27-də Bakıda havanın temperaturu iqlim normasından 7.2° yüksək olub, maksimal temperatur Bakıda və Abşeron yarımadasında 20°-dək isti, Naxçıvanda 23°-dək isti, dağlıq rayonlarda 12°-dək isti, aran rayonlarında 22°-dək isti təşkil edib.
Martın 28-i səhər saatlarından yağıntıların tədricən kəsiləcəyi, 28-i gündüz, 29-da ölkə ərazisində hava şəraitinin sabit olacağı, əsasən yağmursuz keçəcəyi, mülayim cənub küləyinin arabir güclənəcəyi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
