Fevralın 7-i gecə saatlarından yağan qar, Şuşa şəhərində nəqliyyat vasitələrinin hərəkətində bəzi çətinliklər yaradıb.
APA -nın Şuşaya ezam olunan xüsusi müxbiri xəbər verir ki, gecə boyu yağan qar Şuşa şəhər daxili və dağ yollarında gediş-gəlişi məhdudlaşdırıb.
Gecə temperaturun aşağı düşməsi Şuşa rayonun dağ yollarının bəzi yerlərində buzlaşmaya səbəb olub.
Hazırda şəhərin və dağ yollarının qardan təmizlənməsi üçün yollara texnikalar cəlb olunub.