Ağdam rayonu üzrə ötən illər ərzində 16 min hektardan çox ərazi mina və partlamamış hərbi sursatlardan təmizlənib.
APA-nın Ağdama ezam olunan müxbiri xəbər verir ki, bunu Azərbaycan Respublikasının Minatəmizləmə Agentliyinin (ANAMA) İdarə Heyətinin sədri Vüqar Süleymanov jurnalistlərə açıqlamasında deyib.
O bildirib ki, bu ilin planına uyğun olaraq, daha 10 min hektardan çox ərazi təmizlənərək aidiyyatı üzrə təhvil veriləcək:
"Təxminən Ağdam rayonunun 25 faizi mina və partlamamış sursatlardan təmizlənib. Ağdamda artıq bir sıra layihələr yekunlaşıb".