"Komando başlanğıc kursu"nu bitirənlərə sertifikatlar təqdim olunub

Komando başlanğıc kursu

© APA | Komando başlanğıc kursu

# 11 sentyabr 2022 14:02 (UTC +04:00)

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən Azərbaycan Ordusunda şəxsi heyətin hazırlıq səviyyəsinin və bölmələrin döyüş qabiliyyətinin daha da artırılması istiqamətində görülən işlər davam edir.

Bu barədə APA-ya Müdafiə Nazirliyindən xəbər verilib.

Cari ilin hazırlıq planına uyğun olaraq, müddətli hərbi xidmət hərbi qulluqçuları üçün keçirilən “Komando başlanğıc kursu”nun buraxılış mərasimi olub.

Mərasimdə əvvəlcə xalqımızın ümummilli lideri Heydər Əliyevin və ölkəmizin ərazi bütövlüyü uğrunda həlak olan şəhidlərimizin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Tədbirdə çıxış edən general-mayor Vasif Kazımov müdafiə nazirinin və Quru Qoşunların komandanının təbriklərini kurs iştirakçılarına çatdırıb. “Komando başlanğıc kursu”nun əhəmiyyətindən danışan general-mayor V.Kazımov şəxsi heyətin peşəkarlıq səviyyəsinin yüksəldilməsində bu kimi kursların müsbət təsirini xüsusi vurğulayıb, hərbi qulluqçulara gələcək xidmətlərində uğurlar arzulayıb.

Sonra kurs birincisi müddətdən artıq həqiqi hərbi xidmət hərbi qulluqçusu əsgər Samir Həkimov yaş kötüyünə rəmzi emblemi vurub.

Sonda kursu bitirən hərbi qulluqçulara sertifikat və beretlər təqdim olunub, şəxsi heyət təntənəli marşla tribuna önündən keçib.

#
#

ƏMƏLİYYAT İCRA OLUNUR