Dünya Azərbaycanlılarının Həmrəyliyi Günü və Yeni il bayramı münasibətilə Müdafiə nazirinin müavini – Hərbi Hava Qüvvələrinin komandanı general-leytenant Ramiz Tahirov azad olunmuş ərazilərdə döyüş növbətçiliyi aparan HHQ bölmələrində olub.
MN-dən APA-ya verilən xəbərə görə, general-leytenant R.Tahirov Müdafiə naziri general-polkovnik Zakir Həsənovun bayramlar münasibətilə şəxsi heyətə təbriklərini çatdırıb.
Daha sonra xidmətdə fərqlənən hərbi qulluqçular mükafatlandırılıb, onlara qiymətli hədiyyə və bayram sovqatları təqdim edilib.
Nazir müavini çay süfrəsi arxasında şəxsi heyətlə Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında qələbəmizlə başa çatan Vətən müharibəsinin tarixi əhəmiyyətindən, Azərbaycan Ordusunun qəhrəmanlığından və 2021-ci ildə əldə olunan uğurlardan danışıb.
Sonra komandan şəxsi heyətin sosial-məişət şəraiti ilə tanış olub və görüləcək işlərlə bağlı müvafiq göstərişlər verib.
Hərbi qulluqçular göstərilən diqqət və qayğıya görə ölkə başçısına, eləcə də Müdafiə Nazirliyinin rəhbərliyinə öz minnətdarlıqlarını bildiriblər.
Müdafiə nazirinin müavini HHQ bölmələrində olub
29 dekabr 2021 16:52 (UTC +04:00)
Hərbi
Dövlət Xidməti Şamaxıda maarifləndirici tədbir keçirib
11:23
19 aprel 2024
Hərbi Dəniz və Hərbi Hava qüvvələrinin Xəzərdə birgə taktiki təlimi keçirilib - VİDEO
11:19
19 aprel 2024
Ağdamda yerləşən Türkiyə-Rusiya Birgə Monitorinq Mərkəzinin fəaliyyəti dayandırılacaq - VİDEO
13:17
18 aprel 2024
Azərbaycan Ordusunun aviasiya vasitələri təlim-məşq uçuşları keçirib - VİDEO
12:20
18 aprel 2024