Moskva ətrafında keçirilən "Beynəlxalq Ordu Oyunları-2019"-da həyəcanlı anlar yaşanıb.
APA-nın RİA Novosti agentliyinə istinadən verdiyi məlumata görə, İran tankı qəfil tüstüləməyə başlayıb.
Buna səbəb tankın mühərrikinin qızması olub.
“Yarışmanın ikinci mərhələsində İran ekipajı maneəni dəf etmək üçün növbəti manevrlərə başlamaq istəyib. Bu zaman tankın soyutma sistemi işləməyib və bu, mühərrikin qızması və tüstülənməsi ilə müşayiət edilib. Yarışların təhlükəsizliyinə məsul olan texniki heyətin müdaxiləsi nəticəsində nasazlıq dərhal aradan qaldırılıb. Ekipaj üzvləri arasında xəsarət alan olmayıb", - deyə beynəlxalq yarış təşkilatçılarının yaydığı məlumatda bildirilir.
Qeyd edək ki, “Beynəlxalq Ordu Oyunları-2019”-da Azərbaycan hərbçiləri də iştirak edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
