"Bakı Metropoliteni" istismar müddəti bitmiş vaqonların silinməsi üzrə işlər aparır

"Bakı Metropoliteni" istismar müddəti bitmiş vaqonların silinməsi üzrə işlər aparır
  • Clock-gray 14:11
  • calendar-gray 12 Sentyabr 2019

"Bakı Metropoliteni" QSC tərəfindən istismar müddəti bitmiş vaqonların silinməsi üzrə işlər aparılır.

Bunu "APA-Economics"ə QSC-nin mətbuat xidmətinin rəhbəri Bəxtiyar Məmmədov bildirib.

Onun sözlərinə görə, ötən il istismardan çıxarılan vaqonlar artıq siliniblər: "Bu il yeni qatarların gətirilməsi ilə bağlı istismar müddəti bitmiş vaqonların silinmə prosesinə artıq başlanılıb. Bu iş Əmlak Məsələləri Dövlət Komitəsi ilə davamlı olaraq aparılır".

Hazırda "Bakı Metropoliteni"nin balansında 315 vaqon var ki, bunlardan 25-i silinəcək. Köhnə vaqonlar dünya praktikasında olduğu kimi doğranılaraq xammal şəklinə gətirilir.

"Onların bir nümunəsi eksponat kimi saxlanılacaq", - deyə B. Məmmədov əlavə edib.

Hüseyn Vəliyev

Digər xəbərlər

Arxiv

date