Xarici donorların Azərbaycanda qrantların verilməsi prosedurunda “bir pəncərə” prinsipi tətbiq olunacaq

Xarici donorların Azərbaycanda qrantların verilməsi prosedurunda “bir pəncərə” prinsipi tətbiq olunacaq
# 21 oktyabr 2016 13:36 (UTC +04:00)

Bakı – APA. Azərbaycan prezidenti İlham Əliyev xarici donorlar tərəfindən Azərbaycan ərazisində qrantların verilməsi prosedurunda “bir pəncərə” prinsipinin tətbiqi haqqında fərman imzalayıb.

APA-nın məlumatına görə, 2017-ci il yanvarın 1-dən xarici donorlar tərəfindən Azərbaycan Respublikasının ərazisində qrantların verilməsi prosedurunda “bir pəncərə” prinsipi tətbiq ediləcək.

Xarici donorlar tərəfindən Azərbaycan ərazisində qrantların verilməsi prosedurunda “bir pəncərə” prinsipi üzrə əlaqələndirici dövlət orqanının səlahiyyətlərinin həyata keçirilməsi kommersiya qurumlarına münasibətdə İqtisadiyyat Nazirliyinə, dini qurumlara münasibətdə Dini Qurumlarla İş üzrə Dövlət Komitəsinə, digər qeyri-kommersiya qurumlarına və fiziki şəxslərə münasibətdə Ədliyyə Nazirliyinə həvalə olunub.

Nazirlər Kabinetinə qrantın maliyyə-iqtisadi məqsədəmüvafiqliyinə dair rəyin əldə edilməsi prosedurunun sadələşdirilməsini, o cümlədən onun həm xarici donor, həm də resipiyentin müraciəti əsasında həyata keçirilməsini təmin etmək, prezidentin aktlarının fərmana uyğunlaşdırılmasına dair təkliflərini iki ay müddətində Azərbaycan prezidentinə təqdim etmək tapşırılıb.

#
#

ƏMƏLİYYAT İCRA OLUNUR