Gənc Tamaşaçılar Teatrı Makedoniyada keçiriləcək festivalda iştirak edəcək

Gənc Tamaşaçılar Teatrı Makedoniyada keçiriləcək festivalda iştirak edəcək
  • Clock-gray 16:08
  • calendar-gray 20 Aprel 2018

Azərbaycan Dövlət Gənc Tamaşaçılar Teatrının kollektivi Makedoniyada keçirilən “XX Beynəlxalq Monodram” festivalında iştirak edəcək.

 

Teatrın mətbuat xidmətindən APA-ya verilən məlumata görə, festival mayın 10-dan 16-dək Bitola şəhərində keçiriləcək.

 

Mədəniyyət və Turizm Nazirliyinin dəstəyi ilə reallaşacaq sözügedən festivalda xalq artisti Cənnət Səlimovanın quruluş verdiyi Patrik Züskindin “Kontrabas” əsəri nümayiş olunacaq. Tamaşada əməkdar artist Şövqi Hüseynov çıxış edir. Festival çərçivəsində dünyanın bir sıra teatr mütəxəssisinin rəhbərliyi ilə ustad dərsləri,  treninqlər, səhnə döyüşü və texnikası məşğələləri də təşkil olunacaq.

 

Qeyd edək ki, "Kontrabas" tamaşası indiyədək İran, Türkiyə, Moldova, Rusiya və Ukraynada keçirilən beynəlxalq teatr festivallarında mükafatlara layiq görülüb.

Cavid Zeynallı

Digər xəbərlər

Arxiv

date