Türkiyənin tanınmış aktyoru Ercüment Balakoğlu ölüb. APA-nın Türkiyənin “Hüriyyət” qəzetinə istinadən verdiyi məlumata görə, aktyor uzun müddət xərçəng xəstəliyindən əziyyət çəkib.
Ercüment Balakoğlu ötən ilin avqust ayından xəstəxanada həkim nəzarətində olub.
Aktyor 1934-cü ildə Zonquldağda anadan olub. Uzun illər serial və filmlərdə dublyaj edib. O, “Danimarkalı gəlin”, “Çılğın eşqlər”, “Günəşli yolçuluq”, “Dərsimiz: Atatürk” və başqa filmlərdə müxtəlif obrazlar yaradıb.