Hilal Baydarovun "Balıqlara xütbə" filmi Lokarno festivalında çıxış edəcək.
Bu barədə APA-ya filmin prodüseri Elşən Abbasov məlumat verib.
Onun sözlərinə görə, film nüfüzlu Lokarno Film Festivalının əsas müsabiqəsində iştirak edəcək. Festival bu il 75-ci dəfə keçiriləcək və "Balıqlara xütbə" filmi burada "Qızıl bəbir" mükafatına namizəd olacaq.
"Balıqlara xütbə" 3500 film arasından seçilmiş 17 ekran işindən biridir və Azərbaycan, Türkiyə, Meksika və İsveçrənin birgə layihəsidir.