Qlobal iqtisadi artım templərinin yavaşlaması, ticarətdə gərginlik və geosiyasi risklər 2020-ci ildə qlobal yükdaşımalara olan tələbin artım templərinin azalmasına səbəb olacaq.
Bu barədə “APA-Economics” “Fitch Ratings” agentliyinin dərc etdiyi hesabatına istinadən xəbər verir.
Agentliyin proqnozlarına görə, 2020-ci ildə konteynerlərlə qlobal daşımaların həcmi təxminən 2,5% artacaq. Artıma baxmayaraq, bu, son 8 il ərzində orta artım tempində (4,5%) əhəmiyyətli dərəcədə aşağıdır.
“Fitch”in proqnozlarına görə, 2020-ci ildə tankerlərlə həyata keçirilən qlobal daşınmalarda tələb və təklif müvafiq olaraq 2,5% və 3,5% artacaq və təklif və tələb arasında fərq balanslı qalacaq.
Bundan əlavə, 2020-ci ildə agentlik qlobal quru yüklərin daşımalarında 3%-lik artımın olacağını proqnozlaşdırır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
