Azərbaycanda dövlət strukturları tərəfindən açılan kibertəhlükəsizlik sorğularının sayı azalıb

Azərbaycanda dövlət strukturları tərəfindən açılan kibertəhlükəsizlik sorğularının sayı azalıb
# 01 iyun 2020 17:39 (UTC +04:00)

Bu ilin may ayında Azərbaycanda kompüter təhlükəsizliyi ilə bağlı dövlət strukturları tərəfindən açılan sorğuların sayı aprel ayı ilə müqayisədə 48,8% azalaraq 304 ədəd təşkil edib.

Kompüter İnsidentlərinə Qarşı Mübarizə Mərkəzindən “APA-Economics”ə verilən məlumata görə, aprel ayı ərzində mərkəzə daxil olan sorğulardan 98%-nə baxılıb və təmin edilib.

Mərkəzdən verilən məlumata əsasən, may ayında Azərbaycan internet məkanında dövlət qurumlarına aid 2 domen və 7 subdomen qeydiyyatdan keçib.

Mərkəz tərəfindən informasiya təhlükəsizliyi üzrə audit keçirilərək, müvafiq dövlət qurumlarına 18 hesabat təqdim edilib.

Ümumilikdə, cari ilin yanvar-may aylarının nəticələrinə görə, kompüter təhlükəsizliyi ilə bağlı müraciətlərin ümumi sayı 1979 ədəd təşkil edib. Qeyd olunan dövr ərzində ümumi sorğuların 97%-i baxılaraq təmin edilib, müvafiq dövlət qurumlarına 99 hesabat təqdim edilib. Yanvar-may ayları ərzində Azərbaycanın internet seqmentində 23 domen və 62 subdomen qeydiyyata alınıb.

#
#

ƏMƏLİYYAT İCRA OLUNUR