BTQ ilə konteyner daşınması 40% artıb

BTQ ilə konteyner daşınması 40% artıb
  • Clock-gray 14:13
  • calendar-gray 25 Dekabr 2019

Bu il Bakı-Tbilisi-Qars dəmir yolu xətti ilə 5810 (TEU) konteyner daşınıb, bu da keçən ilin göstəricisi ilə müqayisədə 40,5% çoxdur.

“Azərbaycan Dəmir Yolları” QSC-nin törəmə şirkəti olan “ADY Konteyner”dən “APA-Economics”ə verilən məlumata görə, 2017-ci il oktyabrın 30-da istifadəyə verilən BTQ ilə yükdaşımaların həcmi durmadan artır. Belə ki, ötən il bu xətlə 4 135 (TEU), bu il isə 5 810 (TEU) konteyner daşınıb.

Məlumata əsasən, Bakı-Tbilisi-Qars dəmir yolu xətti ilə on mininci konteyner daşınıb. 40 futluq konteyner Türkiyə-Qazaxıstan marşrutu ilə hərəkət edən  blok qatarının tərkibində ölkəmizin ərazisindən keçərək, Qazaxıstanın “Yeti Su” stansiyasına çatdırılıb.

“20 konteynerdən ibarət blok qatarının yükü dizel yanacağı ilə  işləyən minik avtomobilləri olub. Daşıma “ADY Konteyner”nin operatorluğu ilə həyata keçirilib”, - deyə “ADY Konteyner”dən bildirlib.

Emil İsmayılov

Digər xəbərlər

Arxiv

date