Beynəlxalq Enerji Xartiyasının Baş katibi Cənubi Qafqazda enerji təhlükəsizliyinə dair bəyanat verib

17:49
12 Oktyabr 2020

Beynəlxalq Enerji Xartiyasının Baş katibi Urban Rusnak "Cənubi Qafqazda enerji təhlükəsizliyi" adlı bəyanat verib.

Azərbaycan Energetika nazirinin müşaviri-mətbuat katibi Zəminə Əliyeva "APA-Economics"ə dildirib ki, bəyanatda Baş katib U. Rusnak tərəfindən beynəlxalq öhdəliklərə uyğun davranılmasına, mühüm enerji infrastrukturuna təsir göstərə biləcək yaxud enerji təchizatını əhəmiyyətli dərəcədə poza və ya dayandıra biləcək hər hansı hərəkətdən çəkinməsinə çağırış edilib.

Xatırladaq ki, Energetika naziri Pərviz Şahbazov tərəfindən Beynəlxalq Enerji Xartiyası Katibliyinə və digər beynəlxalq enerji təşkilatlarına Azərbaycanın neft və elektrik enerjisi infrastrukturunun hədəfə alınması barədə məlumatları və Ermənistanın təxribatlarının qınanılmasına çağırışı əks etdirən müraciət ünvanlanıb.