"Bərdə" gəmi-bərəsi təmirdən sonra istismara qayıdıb

"Bərdə" gəmi-bərəsi təmirdən sonra istismara qayıdıb
  • Clock-gray 15:47
  • calendar-gray 30 Noyabr 2020

“Azərbaycan Xəzər Dəniz Gəmiçiliyi” QSC-nin (ASCO) Nəqliyyat Donanmasına məxsus “Bərdə” gəmi-bərəsinin təmiri yekunlaşıb. Təmir işləri “Zığ” Gəmi Təmiri və Tikintisi Zavodunda aparılıb.

ASCO-dan “APA-Economics”ə verilən məlumata görə, gəmi üzrə gövdə-qaynaq, boru-quraşdırma, elektrik işləri yerinə yetirilib, buxar qazanı, sukeçirməyən qapılar təmir olunub. Bundan başqa, göyərtə kranlarının mexaniki və elektrik hissələri, lokomativ-avtovazlar sazlanıb.

Bərənin suüstü hissəsi və vaqon göyərtəsi təmizlənərək iki qat rənglənib. Həmçinin, divan və stullar təmir olunaraq üzlənib.

Sınaq üzməsindən uğurla çıxan gəmi-bərə artıq istismara da qaytarılıb.

Qeyd edək ki, uzunluğu 154,5 metr, eni isə 17 metr olan gəminin maksimal sürəti 13,9 uzeldir. Bərə göyərtəsinə 54 vaqon götürmək qabiliyyətindədir.

Emil İsmayılov

Digər xəbərlər