Bugünkü "World Net Summit" beynəlxalq onlayn konfransında Selçuk Bayraktar çıxış edəcək

Bugünkü "World Net Summit" beynəlxalq onlayn konfransında Selçuk Bayraktar çıxış edəcək
  • Clock-gray 12:46
  • calendar-gray 18 Dekabr 2020

Nəqliyyat, Rabitə və Yüksək Texnologiyalar Nazirliyi və “FA International Trade Events” MMC-nin birgə təşkilatçılığı ilə “InnoWeek – İnnovasiya həftəsi 2020” çərçivəsində keçirilən “World Net Summit” beynəlxalq onlayn konfransı bu gün davam edəcək.

Nazirlikdən “APA-Economics”ə verilən məlumata görə, bu gün də tədbirdə “Baykar Makina” şirkətinin texniki direktoru Selçuk Bayraktar yüksək texnologiyalar və innovasiyalar haqqında çıxış edəcək.

O, çıxışında startap ekosisteminin, o cümlədən hərbi milli sənaye hərəkatının inkişafında dronların əhəmiyyətli rolundan bəhs edəcək.

Xatırladaq ki, ölkədə Nəqliyyat, Rabitə və Yüksək Texnologiyalar Nazirliyinin təşkilatçılığı ilə 2018-ci ildən keçirilən beynəlxalq “InnoWeek – İnnovasiya həftəsi” çərçivəsində yüksək texnologiyalar, innovasiyalar sahəsində ən son yeniliklərin əks olunduğu konfrans, forum və sərgilər təşkil olunur. Həyata keçirilən tədbirlər nəticəsində ölkədə innovasiya ekosistemi sürətlə inkişaf edir.

Hüseyn Vəliyev

Digər xəbərlər