Çin 700 min baza stansiyasından ibarət olan dünyanın ən böyük 5G şəbəkəsini qurub.
"APA-Economics" TASS-a istinadən xəbər verir ki, bunu Uçjen şəhərində keçirilən Ümumdünya İnternet İdarəetmə Konfransında çıxış edən Çin Xalq Respublikasının sənaye və informasiyalaşdırma nazirinin müavini Lyu Lexun deyib.
Onun sözlərinə görə, Çin tərəfindən quraşdırılan 5G baza stansiyalarının sayı onların dünya üzrə ümumi sayının təxminən 70%-ni təşkil edir. Hazırda beşinci nəsil rabitə standartına 180 milyondan çox terminal qoşulub.
Nazir müavini COVID-19 pandemiyası şəraitində Çində internet trafikinin istehlakında 2019-cu ilin sonuna nisbətən ortalama 50% artım qeydə alındığını bildirib. Ölkənin bəzi bölgələrində bu rəqəm 60-70% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
