Çinin onlayn ticarət platforması Subaylar Günü 56,4 mlrd. dollarlıq mal satıb

Çinin onlayn ticarət platforması Subaylar Günü 56,4 mlrd. dollarlıq mal satıb
  • Clock-gray 11:34
  • calendar-gray 11 Noyabr 2020

Çində Subaylar Gününə həsr olan dünyanın ən böyük onlayn alış-satış festivalı çərçivəsində “Alibaba” elektron ticarət platformasının satışlarının həcmi 372,3 mlrd. yuanı (56,4 mlrd. ABŞ dolları) ötüb.

"APA-Economics"in məlumatına görə, bu barədə şirkətin açıqlamasında deyilir.

Pik dövrdə saniyədə sifariş sayının 583 minə çatdığı qeyd edilir. Bu il satışa 800 mln. çox müştəri, 250 min brend və 5 mln. mağaza qatılıb.

Eyni zamanda, 13 brendin satışları 1 mlrd. yuanı (151,5 mln. dollar) ötdüyü, 342 brendin hər birinin isə 100 mln. yuandan (15,1 mln. dollar) çox malın satdığı bildirilir.

Qeyd edək ki, Çində Subaylar Günü hər il noyabrın 11-də qeyd olunur.

Hüseyn Vəliyev

Digər xəbərlər