Dövlət strukturları tərəfindən açılan kibertəhlükəsizlik sorğularının sayı artıb

Dövlət strukturları tərəfindən açılan kibertəhlükəsizlik sorğularının sayı artıb
  • Clock-gray 09:23
  • calendar-gray 02 Mart 2021

Bu ilin fevral ayında Azərbaycanda kompüter təhlükəsizliyi ilə bağlı dövlət strukturları tərəfindən açılan sorğuların sayı yanvar ayı ilə müqayisədə 9,7% artaraq 431 ədəd təşkil edib.

Kompüter İnsidentlərinə Qarşı Mübarizə Mərkəzindən "APA-Economics"ə verilən məlumata görə, fevral ayı ərzində mərkəzə daxil olan sorğulardan 98%-nə baxılıb və təmin edilib.

Mərkəzdən verilən məlumata əsasən, fevral ayında Azərbaycan internet məkanında dövlət qurumlarına aid 9 domen və 9 subdomen qeydiyyatdan keçib.

Mərkəz tərəfindən informasiya təhlükəsizliyi üzrə audit keçirilərək, müvafiq dövlət qurumlarına 11 hesabat təqdim edilib.

Ümumilikdə, cari ilin yanvar-fevral aylarının nəticələrinə görə, kompüter təhlükəsizliyi ilə bağlı müraciətlərin ümumi sayı 824 ədəd təşkil edib. Qeyd olunan dövr ərzində ümumi sorğuların 97,1%-i baxılaraq təmin edilib, müvafiq dövlət qurumlarına 23 hesabat təqdim edilib. Yanvar-fevral ayları ərzində Azərbaycanın internet seqmentində 13 domen və 25 subdomen qeydiyyata alınıb.

Hüseyn Vəliyev

Digər xəbərlər