ABŞ-ın internet nəhəngi sayılan "Google" korporasiyası "Chrome" brauzeri və reklam biznesinin bir hissəsini itirə bilər.
"APA-Economics"in məlumatına görə, bu barədə "Politico" nəşri yazır.
Qeyd olunur ki, bu məsələ ABŞ-ın Ədliyyə Nazirliyi və ölkənin Baş prokuroru tərəfindən nəzərdən keçirilir.
Bu gündəm ABŞ Konqresinin dörd İT nəhəngi – "Amazon", "Apple", "Facebook" və "Google"a qarşı antiinhisar istintaqının nəticəsidir.
Ədliyyə Nazirliyi tərəfindən bir neçə həftə ərzində "Google"a qarşı iddialarla bağlı rəsmi dinləmənin keçirilməsi gözlənilir.
Şirkətin "Chrome" və reklam biznesinin bir qismini satmaq məcburiyyətində qalmasına əsas səbəb "Google" brauzerdə üçüncü tərəflərin "cookie" fayllarının dəstəkləməkdən imtina etməsi və "DoubleClickBidManager" reklam alətini almaq üçün avtomatlaşdırılmış platformasıdır.
Korporasiya onlayn reklam bazarının 37,2%-nə nəzarət edir. 2019-cu il üzrə şirkətin gəliri təxminən 130 mlrd. dollar olub. "Google" öz məhsullarını tanıtmaqda günahlandırılır. Belə ki, məhz onlar axtarış sorğusu nəticələrinin ilk sətirlərində göstərilir. Bu isə rəqabətə zidd addım kimi qiymətləndirilir.
Bulud biznesinin və "Fitbit"in satınalması isə şirkətin mövqeyini daha da gücləndirə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
