2020-ci il ərzində “Güzəştli mənzil” sistemi vasitəsilə 898, dövlət sifarişi əsasında isə 987 olmaqla, ümumilikdə 1885 mənzil vətəndaşlara təqdim edilib.
Mənzil İnşaatı Dövlət Agentliyindən (MİDA) “APA-Economics”ə verilən məlumata görə, bunu Agentliyin 2020-ci il ərzində fəaliyyətinin nəticələrinə həsr olunan hesabat iclasında çıxış edərkən qurumun İdarə Heyətinin sədri Sadiq Sadıqov deyib.
Onun sözlərinə görə, MİDA tərəfindən 2020-ci ildə müvafiq qurumların müraciətlərinə əsasən Hövsan Yaşayış Kompleksində 742 mənzil, Yasamal Yaşayış Kompleksinin 2-ci mərhələsində 66 mənzil, Gəncə Yaşayış Kompleksində isə 153 mənzil olmaqla, ümumilikdə 961 mənzil hesabat ilində dövlət sifarişi əsasında ayrılmışdır.
“2019-cu ildə ayrılan 436 mənzili də nəzərə alsaq ümumilikdə Agentliyin layihələrindən 1397 mənzil dövlət sifarişi əsasında ayrılmışdır. Həmin mənzillərdən 987-nin rəsmiləşdirilməsi 2020-ci il ərzində tamamlanmışdır”, - deyə S. Sadıqov qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
