Çinin "Huawei Technologies" şirkəti bu il smartfon istehsalını 60%-dən çox – 70-80 milyonadək azaldacağını bildirib.
"APA-Economics" xəbər verir ki, bu barədə "Nikkei"yə tədarükçü mənbələr bildirib.
Çin texnoloji nəhəngi tədarükçülərə bu addımı ABŞ-ın tətbiq etdiyi sanksiyaların şirkətin işinə davamlı təsir etdiyi ilə əlaqələndirib. Belə ki, sanksiyalar səbəbindən ağıllı telefonların istehsalı üçün zəruri olan komponentlərin tədarükündə fasilələr yaranıb.
"Huawei"nin təsisçisi Ren Çjenfey sanksiyaları şərh edərək bildirib ki, o, bu məsələ ilə bağlı ABŞ prezidenti Co Baydenlə telefon görüşməsini "alqışlayardı".
Qeyd edək ki, "Huawei" qlobal smartfon bazarının üçüncü böyük iştirakçısıdır ("Samsung" və "Apple"dan sonra).
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
