Bu ilin III rübündə "Huawei" smartfonlarının qlobal satışları 51,7 mln. vahid təşkil edib ki, bu da ötən ilin eyni dövrü ilə müqayisədə 23% azdır.
"APA-Economics"in məlumatına görə, bu barədə CNBC "Canalys"in hesabatına istinadən xəbər verir.
Hesabatda bildirilir ki, satışlardakı azalma ABŞ-ın sanksiyaları ilə əlaqədardır. İyul-sentyabr aylarında qlobal smartfon bazarı 1% (348 mln. yeni cihaz) azalıb.
"Huawei"in xarici bazarlarda satış itkiləri daha əhəmiyyətli olsa da, Çin bazarında azalma 15% təşkil edib. İT nəhəngin əsas problemi "Google" servislərinin "Huawei" smartfonlarında olmaması ilə əlaqədardır.
Gələcəkdə "Huawei"in komponent çatışmazlığı ilə qarşılaşacağı istisna olunmur. Belə ki, sentyabrın 15-dən etibarən Tayvanın TSMC şirkəti "Huawei" üçün "Kirin" prosessorlarının istehsalını dayandırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
