NRYTN "Global Game Jam Next" tədbirini keçirəcək

NRYTN "Global Game Jam Next" tədbirini keçirəcək
# 08 iyul 2020 15:06 (UTC +04:00)

Azərbaycan Nəqliyyat, Rabitə və Yüksək Texnologiyalar Nazirliyinin (NRYTN), “SUP” Akselerasiya Mərkəzinin və “Tech Academy”nin birgə təşkilatçılığı ilə “Global Game Jam Next” tədbiri keçiriləcək.

Nazirlikdən “APA-Economics”ə verilən məlumata görə, “Global Game Jam Next”in əsas məqsədi video oyunlarının yaradılmasını öyrənməyə həvəs göstərən 12-17 yaşlı yeniyetmə və gənclərə bu sahədə ilkin bilikləri mənimsəməyə dəstək olmaqdır. Bu tədris proqramı onların kodlaşdırma potensialını üzə çıxararaq texniki biliklər qazanmasına imkan yaradacaq.

13-24 iyul tarixlərində baş tutacaq tədbir iki hissədən ibarət olacaq. Birinci hissədə (13-17 iyul) iştirakçılara proqramlaşdırma və oyun hazırlama bacarıqları mövzularında video dərslər keçiriləcək.

İkinci hissədə isə (20-24 iyul) iştirakçılar öyrəndiklərini tətbiq etməklə öz ideyaları əsasında oyunlar hazırlayacaqlar. İştirak üçün 12-17 yaşlı yeniyetmə və gənclər “https://bit.ly/2D4ZApp” linki vasitəsilə 10 iyul saat 23:59-dək qeydiyyatdan keçə bilərlər.

Qeyd edək ki, inklüziv təhsil alanlarla xüsusi mentorların iştirakı ilə inklüziv təhsil sahələrində kodlaşdırmanın təşviqini artırmaq, onların texnoloji yeniliklərə marağını gücləndirmək məqsədilə ayrıca məşğul olunacaq.

#
#

ƏMƏLİYYAT İCRA OLUNUR