Naxçıvanda telefon stansiyalarının nömrə tutumları artırılıb

Naxçıvanda telefon stansiyalarının nömrə tutumları artırılıb
  • Clock-gray 09:58
  • calendar-gray 19 Avqust 2020

Bu ilin yanvar-iyun aylarında Naxçıvan Muxtar Respublikasının mövcud avtomat telefon stansiyalarının nömrə tutumları artırılıb, ümumilikdə 1294 yeni telefon nömrəsi abonentlərin istifadəsinə verilib. Naxçıvan Rabitə və Yeni Texnologiyalar Nazirliyindən “APA-Economics”ə verilən məlumata görə, ilin birinci yarısında Culfa rayonunda 568 nömrə tutumlu yeni nəsil ATS qurulub. Naxçıvan şəhərində 656 nömrə tutumlu, Şərur rayonunun yeni istifadəyə verilən Muğancıq-Mehrab kənd Rabitə Evində 192 nömrə tutumlu, Məmmədsabir kəndində isə 256 nömrə tutumlu yeni nəsil avtomat telefon stansiyaları  qurulub. 

Muxtar Respublikada yeni təşkil olunan taksi xidməti üçün proqram təminatı hazırlanıb, üç rəqəmli “288” prefiks ayrılaraq mərkəzi serverə qoşulub.

Naxçıvan ərazisində fiber-optik kabel şəbəkəsinin genişləndirilməsi istiqamətində zəruri avadanlıqlar quraşdırılıb, bir sıra qurumlara, yaşayış binalarına, kənd  mərkəzlərinə optik xətt  çəkilişi həyata keçirilib. Cari ilin ilk altı ayında 5876 abunəçi internetlə təmin olunub.

 

Hüseyn Vəliyev

Digər xəbərlər