Su kəmərində baş vermiş qəza ilə əlaqədar Xırdalan şəhərinin bir hissəsinə (kənd Xırdalan adlanan hissə və ona yaxın ərazilər) içməli suyun verilişində fasilə yaranıb.
APA-nın məlumatına görə, bu barədə “Azərsu” ASC-nin mətbuat katibi Anar Cəbrayıllı bildirib.
Onun sözlərinə görə, 3 dekabr 2020-ci il tarixində günorta saatlarına qədər həmin əraziyə suyun verilişi dayandırılacaq.