Regionlarda vətəndaşların telekommunikasiya xidmətlərindən istifadə imkanı genişləndirilir

Regionlarda vətəndaşların telekommunikasiya xidmətlərindən istifadə imkanı genişləndirilir
  • Clock-gray 11:49
  • calendar-gray 28 İyul 2020

Nəqliyyat, Rabitə və Yüksək Texnologiyalar Nazirliyi tərəfindən yeni növ koronavirus (COVID-19) pandemiyası zamanı əhalinin telekommunikasiya xidmətlərinə olan tələbatının ödənilməsi üzrə çoxsaylı işlər həyata keçirilir.

Nazirlikdən “APA-Economics”ə verilən məlumata görə, növbəti olaraq nazirliyin “Aztelekom” MMC bir sıra rayonlarda yeni Elektron ATS-lər qurub, nömrə tutumlarını artırıb.

Görülmüş tədbirlər nəticəsində İsmayıllının Külüllü, Gədəbəyin Qaradağlı, Qəbələnin Abdallı, Qusarın Bədirqala, Biləsuvarın Səmədabad, Ağdamın Təzəkənd, Qobustanın Poladlı, Hacıqabulun Nəvai kəndlərində və Ağcabədi rayonunun Üzeyir Hacıbəyli prospektində yeni Elektron ATS-lər sakinlərin istifadəsinə verilib.

Bundan başqa, Ağdamın Təzəkənd, Qəbələnin Məmmədağalı, Zaqatalanın Gözbarax, Danaçı, Lahıc, Qobustanın Poladlı, Hacıqabulun Nəvai kəndlərində mövcud EATS-lərin nömrə tutumları artırılıb.

Qeyd edək ki, daha çox vətəndaşa telekommunikasiya xidmətlərindən yararlanmaq imkanının yaradılması üçün işlər davam etdiriləcək.

Mirsəid İbrahimzadə

Digər xəbərlər