Türkiyə Azərbaycanla kosmik sahədə əməkdaşlıq etmək niyyətindədir - FOTO

Türkiyə Azərbaycanla kosmik sahədə əməkdaşlıq etmək niyyətindədir - FOTO
  • Clock-gray 18:09
  • calendar-gray 18 Fevral 2021

Türkiyə Kosmik Agentliyi (TKA) kosmik sahədə “Azərkosmos” ASC ilə yaxından əməkdaşlıq etməkdə maraqlıdır.

ASC-dən “APA-Economics”ə verilən məlumata görə, bunu  Azərbaycanda səfərdə olan TKA-nın prezidenti Sərdar Hüseyn Yıldırım “Azərkosmos”da keçirdiyi görüş zamanı deyib.

O, kosmik sahədə hər iki ölkənin yüksək ixtisaslı peşəkar kadrlarının hazırlanmasında, onların nəzəri və praktiki biliklərinin təkmilləşdirilməsi istiqamətində təcrübə mübadiləsinin vacibliyi də vurğulanıb.

Görüş əsnasında Türkiyənin Kosmik Agentliyi tərəfindən Türkiyənin Milli Kosmik Proqramının strateji hədəfləri, o cümlədən yerli kosmik uçuş aparatlarının istehsalı, 2023-cü ildə Aya eniş planı və 2028-ci ildə ilk Türkiyə vətəndaşının kosmosa göndəriləcəyi qeyd olunub.

2018-ci ilin dekabrında qurulan Türkiyə Kosmik Agentliyi Türkiyədə kosmik sahədə fəaliyyət göstərən bütün şirkətləri özündə birləşdirir.

Hüseyn Vəliyev

Digər xəbərlər