Agentlik: Əsas prioritet azad olunan bölgələrdəki faydalı yataqları iqtisadi dövriyyəyə cəlb etməkdir

Agentlik: Əsas prioritet azad olunan bölgələrdəki faydalı yataqları iqtisadi dövriyyəyə cəlb etməkdir
# 30 dekabr 2022 16:53 (UTC +04:00)

"2023-cü ildə Agentliyin əsas prioritet sahələrindən biri işğaldan azad olunan bölgələrdə olan faydalı qazıntı yataqlarının iqtisadi dövriyyəyə cəlb edilməsidir".

"APA-Economics" xəbər verir ki, bunu Dövlət Mineral Xammal Ehtiyatlarından İstifadə Agentliyinin İdarə Heyətinin sədri Samir İdayətov ilin yekunlarına dair keçirilən brifinq zamanı deyib.

O qeyd edib ki, ilkin mərhələdə işğaldan azad edilmiş ərazilərin yenidənqurma və bərpası ilə bağlı tikinti layihələrinin həyata keçirilməsi üçün həmin ərazilərdə yerləşən ümumi yayılmış faydalı qazıntı yataqlarından istifadə edilməsinə icazələrin verilməsi nəzərdə tutulur: “Agentliyin fəaliyyət istiqamətləri çərçivəsində 2023-cü ildə də digər işlər qaldığı yerdən davam etdiriləcək. Bu sahədə hesabatlılığın təmin edilməsi, yerin təkinin mühafizəsinin təmin olunması, mineral xammal bazamızın artırılması və qorunması, qabaqcıl beynəlxalq təcrübələrin öyrənilərək ölkəmizdə tətbiq olunması üçün intensiv olaraq işlər davam etdiriləcək”.

#
#

ƏMƏLİYYAT İCRA OLUNUR