Bu il "Azərbaycan Xəzər Dəniz Gəmiçiliyi" QSC-nin (ASCO) “Zığ” Gəmi Təmiri və Tikintisi Zavodunda 30 müxtəlif təyinatlı gəmi təmir edilib.
Bu barədə "APA-Economics"in sorğusuna cavab olaraq ASCO-dan bildirilib.
Məlumata görə, gəmilərin 13-ü əsaslı, 10-u tərsanə, 7-si cari təmirdən keçib.
“Bu üzən vasitələrin 29-u ASCO-ya, 1-i isə kənar təşkilata aiddir”, - məlumatda bildirilir.
ASCO geniş həcmdə peşəkar gəmi təmiri və dəniz mühəndislik xidmətləri təqdim edir. Həm "Zığ" zavodunun əsas fəaliyyət istiqaməti ASCO-ya və başqa təşkilatlara məxsus gəmiləri və texniki avadanlıqları təmir etməkdən və onlar üçün sifarişlər əsasında müxtəlif növ ehtiyat hissələri hazırlamaqdan ibarətdir.