Bu ilin yanvar-avqust aylarında Azərbaycana 26 695 ədəd avtomobil idxal olunub ki, bu da ötən ilin analoji dövrü ilə müqayisədə 90,2% çoxdur.
“APA-Economics”in Dövlət Gömrük Komitəsinə istinadən verdiyi məlumata görə, hesabat dövründə ölkəyə 24 088 ədəd əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri idxal olunub. Bu göstərici son bir ildə 92,3% artıb.
Bundan başqa, yanvar-avqustda ölkəyə 2 262 ədəd (ötən ilin analoji dövrü ilə müqayisədə 70% çox) yük daşımaq üçün motorlu nəqliyyat vasitələri, 246 ədəd (artım 2,5 dəfə) sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri və 99 ədəd (artım 28,6%) xüsusi təyinatlı motorlu nəqliyyat vasitələri idxal olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
