Ötən il Azərbaycanda hava nəqliyyatı ilə 1 132,4 min və ya illik müqayisədə 96% çox sərnişin daşınıb. Buna baxmayaraq, bu, pandemiyadan əvvəlki göstəricidən (2 703,4 min sərnişin) 2,4 dəfə azdır.
Dövlət Statistika Komitəsindən "APA-Economics"ə verilən məlumata görə, daşımaların 99,5%-i dövlət, 0,5%-i isə özəl müəssisələrə məxsus nəqliyyat vasitələri ilə həyata keçirilib.
Qeyd olunub ki, hesabat dövründə bu nəqliyyat növü ilə yükdaşıma 21,3% artaraq 556,6 min ton olub.