Azərbaycanla Hindistan arasında birbaşa aviareyslər təşkil oluna bilər.
Bu barədə “APA-Economics”in sualını cavablandırarkən Hindistanın Azərbaycandakı səfirliyinin birinci katibi Vinay Kumar bildirib ki, qeyd olunan məsələyə dair hazırda müzakirələr aparılır.
“Birbaşa reyslərin təşkili ilə bağlı aviaşirkətlər arasında müzakirələr aparılır. Hazırda iki ölkə arasında birbaşa aviareyslər mövcud deyil”, - deyə Vinay Kumar qeyd edib.
Hindistan tərəfindən Azərbaycan vətəndaşlarına vizaların verilməsi məsələsinə gəldikdə isə səfirliyin rəsmisi bildirib ki, hazırda bu prosedur olduqca asanlaşdırılıb.
“Vizalar 2-3 gün ərzində, hətta əgər təcili məsələ olarsa, müvafiq uyğun sənədlər təqdim edildiyi halda istər biznes, istərsə də turist vizası bir gün ərzində də verilə bilər. Eyni qaydada, Azərbaycan səfirliyi tərəfindən vizaların verilməsilə də problemlər yoxdur. Azərbaycana gəlmək üçün Hindistan vətəndaşları “e-Viza”dan da istifadə edə bilərlər”, - deyə Vinay Kumar qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
