“Azərpoçt” MMC Zəfər gününün ikinci ildönümü münasibətilə yeni poçt bloku nəşr etdirib.
“APA-Economics” “Azərpoçt”un yaydığı məlumata istinadən xəbər verir ki, “Zəfər Günü” adlı poçt bloku “Şuşa şəhid övladlarının gözü ilə” mövzusu əsasında hazırlanıb. Bloka daxil olan markalarda 9 istedadlı şəhid övladının Şuşanı tərənnüm edən rəsm əsərləri əksini tapıb.
Markaların möhür vasitəsilə “söndürülməsi” prosedurunu Hərbi Hava Qüvvələrinin polkovnik-leytenantı, Vətən müharibəsi şəhidi Ramiz Qasımovun qızı Gülanə Qasımova və Hərbi Hava Qüvvələrinin polkovnik-leytenantı, şəhid Rəşad Atakişiyevin oğlu Turqut Atakişiyev həyata keçirib.
Poçt bloku 10 min tirajla nəşr edilib. Markalarla yanaşı, 200 ədəd “Birinci gün” zərfi də çap olunub.