Bu ilin sonunadək Bakı metropolitenində 4 yeni qatarın istismara veriləcəyi gözlənilir.
"APA-Economics" xəbər verir ki, bunu "Bakı metropoliteni" QSC-nin metronun 55 illiyi ilə bağlı keçirdiyi brifinqdə çıxış edərkən qurumun sədr müavini Hidayət Məmmədov deyib.
Onun sözlərinə görə, son iki il ərzində müəssisə tərəfindən 8 qatar istismara verilib ki, bununla da yeni qatarların ümumi sayı 95-ə çatdırılıb.
"Qısa zamanda 4 yeni qatarın istifadəyə verilməsi nəzərdə tutulur" - deyə, Hidayət Məmmədov qeyd edib.
Qeyd edək ki, 2019-cu ilin oktyabr ayında Rusiyanın “Transmaşholdinq” Səhmdar Cəmiyyətinin tərkibinə daxil olan "Metrovaqonmaş" müəssisəsinin 3 il ərzində Bakı metropoliteni üçün istehsal etməli olduğu 60 vaqondan 40-ı artıq istismardadır.
Qurumun depolar üzrə iş departamentinin rəisi Faiq Əhmədov əlavə edib ki, sentyabr ayı ərzində 10 vaqonun, oktyabr ayında isə əlavə olaraq daha 10 vaqonun gətirilməsi gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
