"Baktelecom" 24 min mənzili optik şəbəkəyə keçirib

"Baktelecom" 24 min mənzili optik şəbəkəyə keçirib
  • Clock-gray 10:58
  • calendar-gray 09 İyul 2019

Azərbaycan Nəqliyyat, Rabitə və Yüksək Texnologiyalar Nazirliyi “Bakı Telefon Rabitəsi” MMC (“Baktelecom”) Bakı şəhərində telefon, genişzolaqlı internet və digər müasir telekommunikasiya xidmətlərinin beynəlxalq standartlarla təqdim edilməsi istiqamətində yaşayış binalarının optik şəbəkəyə keçidi prosesini davam etdirir.

MMC-dən “APA-Economics”ə verilən məlumata görə, aprel ayından etibarən “Evədək optika” layihəsinin ikinci mərhələsi üzrə Yasamal, Xətai, Nizami, Sabunçu və Qaradağ rayonlarında yerləşən köhnə və yeni tikililərdəki 24 min mənzildə müxtəlif tutumlu mis kabellər istismardan çıxarılaraq müasir standartlara cavab verən fiber-optik kabellərlə əvəzlənib.

İnternet avadanlıqlarla pulsuz təmin olunan sakinlər keyfiyyətli multimedia xidmətlərinə qoşulub. 

Sakinlər üçün bir optik xətt üzərindən telefon, internet və IPTV xidmətlərindən istifadəyə imkan yaradılıb.

Qeyd edək ki, “Evədək optika” layihəsi tətbiq olunan yaşayış binalarında məlumat lövhələri yerləşdirilərək sakinlər öncədən məlumatlandırılır. Onların sürətlə qeydiyyata alınmasına və optik şəbəkəyə çıxışına imkan yaradılır. Eyni zamanda paytaxt sakinləri 24/7 fəaliyyət göstərən “155” Vahid Çağrı Mərkəzinə zəng etməklə ünvan üzrə layihənin əhatə dairəsi haqqında məlumat əldə edə bilərlər.

Qeyd edək ki, cari ilin sonunadək 150 minlik optik infrastruktur istifadəçilərin istismarına təqdim olunacaq.

APA-Economics

Digər xəbərlər

Arxiv

date