Dünya Azərbaycanlılarının Həmrəylik Günü və Yeni il bayramı ilə bağlı beş qeyri-iş günü zamanı Azərbaycanda bütün istiqamətlər üzrə avtobuslarla 26,7 min sərnişin daşınıb.
Bu barədə "APA-Economics"ə Dövlət Avtomobil Nəqliyyatı Xidmətinin rəsmisi Günay Əliyeva bildirib.
Onun sözlərinə görə, qeyd olunan dövrdə sərnişinlərin daşınmasını təmin etmək üçün 1 070 reys həyata keçirilir.
Xatırladaq ki, Bakı Beynəlxalq Avtovağzal Kompleksi (BBAK) də daxil olmaqla, respublikanın 56 avtovağzal və avtostansiya kompleksi bayramlarla əlaqədar dekabrın 28-dən gücləndirilmiş iş rejiminə keçmişdi.
Qeyd edək ki, Nazirlər Kabineti yanında Operativ qərargahın qərarına uyğun olaraq, may ayının 31-dən etibarən ölkədə şəhərlərarası və rayonlararası sərnişindaşıma fəaliyyəti tam bərpa olunsa da, sərnişinlərə avtobuslarla məhdud sayda xidmət göstərilib.
Bayram günlərində respublika üzrə həyata keçirilən reyslərin və daşınmış sərnişinlərin sayı:
Tarix |
Reyslərin sayı |
Sərnişinlərin sayı |
31.12.2021 |
190 |
3 800 |
01.01.2022 |
190 |
3 800 |
02.01.2022 |
190 |
4 500 |
03.01.2022 |
210 |
5 600 |
04.01.2022 |
290 |
9 000 |