Dekabrda Azərbaycanla Türkiyə arasında e-imzanın qarşılıqlı tanınması üzrə sınaq işləri aparılacaq

Dekabrda Azərbaycanla Türkiyə arasında e-imzanın qarşılıqlı tanınması üzrə sınaq işləri aparılacaq
  • Clock-gray 12:46
  • calendar-gray 21 Oktyabr 2019

Azərbaycanla Türkiyə arasında elektron imzaların (e-imza) qarşılıqlı tanınması üzrə ilkin test işləri “Bakutel-2019” sərgisi çərçivəsində əyani olaraq aparılacaq.

Bunu "APA-Economics"ə Nəqliyyat Rabitə və Yüksək Texnologiyalar Nazirliyinin Məlumat Hesablama Mərkəzindən deyiblər.

Mərkəzdən bildirilib ki, hazırda həmçinin Belarusla da eyni qaydada e-imzaların qarşılıqlı tanınması layihəsinin icrasına dair danışıqlar aparılır.

"Ümumilikdə, ölkələrin siyahısını genişləndirmək mümkündür. Buna görə ölkə qanunvericiliyinə dəyişikliklər edilməlidir. Söhbət ölkənin müvafiq qanunvericiliyinin Avropa Birliyinin e-IDAS qanunvericiliyinə uyğunlaşdırılmasından gedir ki, bu istiqamətdə işlər aparılır", - deyə Mərkəzdən bildirilib.

Xatırladaq ki, 25-ci Yubiley Azərbaycan Beynəlxalq Telekommunikasiya, İnnovasiya və Yüksək Texnologiyalar Sərgisi ("Bakutel-2019") dekabrın 3-6-da təşkil olunacaq.

Hüseyn Vəliyev

Digər xəbərlər

Arxiv

date