"Gəncə avtomobil zavodu" İstehsalat Birliyində 2022-ci ildə əmtəəlik məhsul istehsalı 78 mln. manat təşkil edib ki, bu da 2021-ci il ilə müqayisədə 1,8 dəfə çoxdur.
Zavoddan “APA-Economics”ə verilən məlumata görə, ötən il 588 ədəd müxtəlif modeldə traktorlar, 140 URAL markalı, 255 ədəd KAMAZ markalı yük avtomobilləri istehsal edilib. Hesabat dövründə zavodda 226 ədəd xüsusi təyinatlı qoşqu, 5 ədəd yarımqoşqu, 1 ədəd traktor qoşqusu yığılaraq təhvil verilib.
“Hazırda müəssisədə yığım xətlərində işlər davam etdirilir”, - məlumatda qeyd olunur.
Xatırladaq ki, "Gəncə avtomobil zavodu" 2004-cü ilin dekabrında öz fəaliyyətinə başlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
