Regional kommunikasiyaların açılması ilə bağlı Azərbaycan, Ermənistan və Rusiya Baş nazir müavinlərinin başçılıq etdiyi İşçi Qrup Bakı və İrəvanın bir çox məsələlər, o cümlədən sərhəd və gömrük nəzarəti ilə bağlı mövqelərini yaxınlaşdıra bilib.
APA TASS-a istinadən xəbər verir ki, bu barədə Ermənistan Baş nazirinin müavini Mqer Qriqoryan bildirib.
“Cənubi Qafqazda nəqliyyat əlaqələrinin açılmasına dair Üçtərəfli İşçi Qrupun fəaliyyətini konstruktiv sayıram. Bu, şübhəsiz ki, çətin işdir, amma qeyd etməliyəm ki, tərəflərə sərhəd və gömrük nəzarətinə dair bir sıra məsələlər, həmçinin, Azərbaycan və Ermənistan ərazilərindən vətəndaşların, nəqliyyat vasitələrinin və yüklərin avtomobil və dəmir yolu vasitəsilə təhlükəsiz hərəkətinə dair mövqelərini yaxınlaşdıra bilib”, - o deyib.
Qriqoryan qeyd edib ki, hazırda ekspert altqrupları avtomobil və dəmir yolu infrastrukturunun bərpası və qarşıdakı istifadəsinə dair məsələlər üzərində işini davam etdirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
