Ötən günlərdə “Bina əyildi, sakinlər təhlükədədir!” başlıqlı xəbərlər mətbuatda yayımlanıb. Məsələ ilə yaxından maraqlanmaq üçün əməkdaşımız həmin əraziyə ezam edildi. İlk növbədə “Qobu Park-2” yaşayış kompleksinin tikintisində podratçı kimi çıxış etmiş “Kristal Abşeron”un əməkdaşları ilə birlikdə əraziyə baxış keçirilib.
“APA-Economics” xəbər verir ki, yayılmış görüntülər inşaat norma və qaydalarına əsasən 2 bina arasındakı olmalı olan boşluq – antiseysmik tikişin üzərində olan dekorativ dəmir listlərin dəyişdirilməsi zamanı çəkilmişdir. Şəkillərdə də görüntüyü kimi sözügedən boşluğun aşağı hissəsindəki dekorativ dəmir list yerində qalıb, ortada bir hissəsində dəmir list dəyişdirilir.
Qeyd edək ki, bütün bu proseslər binanın dayanıqlılığına heç bir təsir göstərmir. Bina Azərbaycan Respublikasının Fövqəladə Hallar Nazirliyinin aidiyyəti qurumlarının nümayəndələri tərəfindən yoxlanılıb. Bina konstruktiv cəhətdən tam yüksək səviyyədədir və binanın konstruksiyasında 1 millimetr belə zədə yoxdur.
Binanın inşaasında Rusiya istehsalı olan A500 markalı armaturlardan və M400 markalı betondan istifadə edilib. Binanın memarlığında da hər hansı bir dəyişiklik yoxdur. Son olaraq məlumat vermək istəyirik ki, bina tam təhlükəsizdir və sakinlərin istifadəsinə tam yararlıdır. Vətəndaşları yayılan dezinformasiyalara inanmamağa çağırırıq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
