"Azəriqaz" İstehsalat Birliyi bu ilin yanvar-aprel aylarında Azərbaycanda 201 km uzunluğunda yeni qaz xətləri çəkib.
"APA-Economics"in məlumatına görə, bu barədə "Azəriqaz" İB-nin baş direktoru Ruslan Əliyev "Açıq qapı" aksiyası çərçivəsində jurnalistlərə bildirib.
Ruslan Əliyev qeyd edib ki, hesabat dövründə çəkilən qaz xətlərinin 26 km-i Bakı və Abşeronun, 175 km isə regionların payına düşüb.
Baş direktor onu da əlavə edib ki, yanvar-mart aylarında İB tərəfindən respublika üzrə 32 km qaz xətləri əsaslı təmir olunub (Bakı üzrə -21 km, regionlar – 11 km).
Ruslan Əliyev onu da qeyd edib ki, 2022-ci ilin qazlaşdırma proqramı çərçivəsində, 69 kəndin və 62 yeni yaşayış massivinin qazlaşdırılması planlaşdırılıb. Hazırda qeyd olunan qazlaşdırma obyektlərinin müvafiq olaraq 32 (bir kəndə qaz verilib) və 46-da (1 yeni yaşayış massivinə artıq qaz verilib) işlər aparılır.
Mayın 1-nə ölkə üzrə qazlaşma səviyyəsi 96,3% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
