“Şimal-Cənub” nəqliyyat dəhlizi yük daşımalarının həcminin artırılması müzakirə olunub

“Şimal-Cənub” nəqliyyat dəhlizi yük daşımalarının həcminin artırılması müzakirə olunub
  • Clock-gray 09:54
  • calendar-gray 14 Avqust 2019

Rusiya Federasiyasının Nəqliyyat naziri Yevgeni Ditrixin dəvəti ilə Azərbaycanın Nəqliyyat, Rabitə və Yüksək Texnologiyalar naziri Ramin Quluzadənin rəhbərlik etdiyi nümayəndə heyəti Soçi şəhərində səfərdədir. Nazirlikdən “APA-Economics”ə verilən məlumata görə, Azərbaycan nümayəndə heyəti İran və Rusiyanın nəqliyyat nazirlərinin üçtərəfli görüşündə iştirak edib.

Görüşdə “Şimal-Cənub” Beynəlxalq Nəqliyyat Dəhlizinin Xəzər dənizinin qərb sahillərindən keçən marşrutu ilə beynəlxalq yük daşımalarının həcminin artırılması, daşımaların asanlaşdırılması və bu sahədə müqavilə-hüquq bazasının inkişaf etdirilməsi istiqamətində görüləcək birgə tədbirlər müzakirələr olunub.

Səfər çərçivəsində nazir R. Quluzadə ilə Rusiya Federasiyasının Nəqliyyat naziri Y. Ditrix, o cümlədən İran İslam Respublikasının Yollar və Şəhərsalma naziri Məhəmməd Eslami arasında keçirilmiş ikitərəfli görüşlərdə nəqliyyat və tranzit daşımalar sahəsində qarşılıqlı maraq doğuran məsələlərə dair fikir mübadiləsi aparılıb.

Hüseyn Vəliyev

Digər xəbərlər

Arxiv

date