Azərbaycan və Rusiya Mahaçqala-Bakı istiqamətində hərəkət edəcək sürətli qatarın xəttə buraxılmasını planlaşdırır.
"APA-Economics"in Rusiya mətbuatına istinadən verdiyi məlumata görə, bunu Dağıstan Respublikasının başçısı Vladimir Vasilyev bildirib.
Onun sözlərinə görə, bu qatardan istifadə edən sərnişinlər gömrük yoxlamasından sadələşmiş qaydada keçəcəklər: "Bu prinsip üzrə Sankt-Peterburqla Helsinki arasında hərəkət edən qatar da işləyir".
V Vasilyev onu da bildirib ki, sürətli qatarın xəttə buraxılması məsələsi Azərbaycan və Dağıstanın müvafiq nazirlikləri arasında artıq müzakirə olunub. Bu cür qatarın istifadəyə verilməsi iki respublika arasında turist axınını artıracaq.