Türkiyənin “Pasifik Avrasya Lojistik" şirkəti sentyabr ayından etibarən Bakı-Tbilisi-Qars dəmiryolu xətti ilə Rusiyadan test daşımalarına başlayacaq.
APA-nın Gürcüstan bürosunun xəbərinə görə, bu barədə şirkətin İdarə Heyətinin üzvü İslam Şahbandarov məlumat verib.
"Məqsədimiz Rusiyadan gələn yüklərin fasiləsiz Mersinə qədər daşınmasını təmin etməkdir. Hazırda xətt üzrə daşımaların həcmi çox azdır. 1.5 il ərzində cəmi 140 min ton yük daşınıb. Bizim hədəfimiz bunu ildə 1 milyon tona, yaxın zamanda isə 5 milyon tona çatdırmaqdır", - İ. Şahbandarov vurğulayıb.
O qeyd edib ki, dəmiryolu xətti ilə daşımalar Orta Asiya ölkələri ilə ticarət əlaqələrinin gücləndirilməsinə, Türkiyə ilə Gürcüstan arasındakı dəmiryolu daşımalarının həcminin 2 il ərzində 500 min tona çatdırılmasına xidmət edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
