“10-15 il əvvəl bir sıra ölkələr bizə pilotsuz uçuş aparatları satmır, terrorla mübarizəyə bu formada dəstəyi əsirgəyirdilər. Ancaq biz milli texnologiya ilə bu prosesi tərsinə çevirdik. Həmin ölkələr bu gün Türkiyənin bu möcüzə texnologiyalarını almaq üçün sırada gözləyirlər”.
APA xəbər verir ki, bunu bu gün "Texnofest Azərbaycan" festivalında Türkiyənin sənaye və texnologiya naziri Mustafa Varank bildirib.
Türkiyəli nazir deyib ki, gənclərə dəstək verilərsə, bacarılmayacaq heç nə yoxdur: “Hər il festival iştirakçılarının sayı ilə rekordlar qırır. Siyasi müstəqilliyin yolu texnoloji müstəqillikdən keçir. Türkiyəyə Kipr, terrorla mübarizə məsələlərində dünyanın necə münasibət bəslədiyini yaxşı görmüşük. "Texnofest Azərbaycan" bunlara verilmiş ən böyük cavabdır. Bu gün tək texnologiya festivalı keçirmirik, qardaş ölkələr olduğumuzu dünyaya mesaj veririk. Eşq olsun Can Azərbaycana, Türkiyəyə!”
Mustafa Varank qeyd edib ki, Qarabağın azadlığında Türkiyə olaraq milli texnologiyalarla yer aldıqları üçün qürur duyurlar: “Biz bu gün bütün imkanlarımızla Azərbaycanın yanındayıq. Bütün dünya da bilsin ki, sabah da Azərbaycanın yanında olacağıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
