İqtisadi

Ana səhifə

İqtisadi

“InvestAZ”-dan dünya maliyyə bazarları ilə bağlı həftəlik analiz

05 mart 2018 06:59 (UTC +04:00)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi bahalaşaraq, 1.2320$-ın üzərində təklif edilməkdədir. Qiymətin qrafik mənzərəsi ilə tanış olduqda, qiymətin daha da bahalaşa biləcəyi proqnozları güclü olaraq qalır. Beləliklə, qiymət yenidən 1.2390$-a kimi bahalaşa və bu səviyyənin üzərində möhkəmləndikdən sonra artım dalğası 1.2430$-a kimi də güclənə bilər.

Eyni zamanda, bu gün günorta saatlarında açıqlanması gözlənilən İtaliyada parlament seçkisinin nəticələri də maliyyə bazarlarında güclü dalğalanmalara səbəb ola bilər. Cümə günü Bakı vaxtı ilə saat 17:30-da dərc ediləcək ABŞ-ın əmək bazarı ilə bağlı fundamental məlumatlar da investorların diqqət mərkəzindədir.

GBP

GBP/USD məzənnəsi də bahalaşıb və 1.3780$-ın üzərində ticarət edilməkdədir. Burada da təhlillərə əsasən, qiymət 1.3700$-ın üzərində qaldıqca, 1.4028 və 1.4103$-a kimi bahalaşa bilər.

Bu həftənin cümə günü saat 13:30-da yayımlanması gözlənilə İngiltərənin sənaye sektoru ilə bağlı statistik göstəricilər də Funt/Dollar məzənnəsinə güclü təsir edə bilər.

TRY

Türkiyə bazarlarında da dolların qiyməti 3.81TL-ın altında ticarət edilməkdədir və bu səviyyənin altında qaldıqca, USD/TRY məzənnəsi 3.79TL-ə kimi də ucuzlaşa bilər.

Türkiyə maliyyə bazarlarına da bu həftə güclü təsir edə biləcək fundamental məlumatlar gözlənilir: Bu gün saat 11:00-da inflyasiya və çərşənbə günü saat 15:00-da Türkiyə Mərkəzi Bankının faiz qərarı.

OIL

Ölkələrin iqtisadi inkişaf dinamikaları ilə bağlı fundamental məlumatlar müsbət açıqlanarsa, bu, enerji bazarlarında neft qiymətlərinə də müsbət təsir edə bilər. Cari həftənin ilk sessiyasında 64$-ın üzərində təklif edilən Avropanın Brent neftinin bir barel qiyməti 65.06$-a kimi bahalaşarsa, 66.06$-a kimi də dəyər qazana bilər.

GOLD

Əlvan metallar bazarlarında qızıl bir unsiyası 1326$-ın (42.5 $/qram) üzərində dalğalanmaqdadır və bu səviyyənin üzərində qaldıqca, 1342$-a (43.1 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

_____________________________________________________________________________

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.